紋身字典 – OLD SCHOOL
多謝 @kb_kevinboy 邀請我哋上 @kidneybuster_ 嘅節目《彫爆你》！我哋3個處女下海嘅第一集講嘅紋身風格係美式傳統，今次出場嘅紋身師有 @daveryolau 同 @samanthafungx 。希望我哋講嘢唔會悶親大家嘅，除非會，事關我哋仲會出現多3集㗎。
雖然唔少資料指美式傳統（old school）起源係以Captain Cook為起點，不過紋身歷史學者Dr. Anna Felicity Friedman指美式傳統最早係追溯至17世紀，美國參加大大少少嘅戰爭而興起，近乎有仗打就會好多人紋身，因為水手同軍人會用永久嘅印記去表達愛國情懷，而發展得最蓬勃嘅時期係第一次同第二次世界大戰。直到20世紀末，近3份之1的英國水手同5份之1美國水手至少有一個美式傳統紋身。
美式傳統嘅風格特點係用簡約、紮實同較粗（俾好多掙扎）嘅黑色線勾勒輪廓
條線一般都係，圖內用色基本上以紅、黃、藍、綠為主，只有部分地方會有陰影，所以圖案偏向平面。
美式傳統經典圖案繁多，「紋身說」揀咗兩個嚟講：
船錨係令船安隱嘅物件，所以水手會紋船錨以祈求路上平安，有部分會喺隔離紋上令佢地感到安心嘅人名，例如母親／心愛嘅女人嘅名。
每一分鐘就等於有60秒過去咗。每一隻燕子就代表一個水手行咗5000海里，同時象徵可以搵到歸家嘅路。燕子終生只會有一個伴侶，所以紋燕子都有代表佢係痴心情長劍嘅意思。
各位，有無想我哋喺紋身字典講嘅圖案意思呢？歡迎留言話我哋知。
