邊個性別多紋身？

上次分享完Dalia Research講咩國家最多人有紋身，今次帶大家睇下喺呢18個國家9,054個受訪者內，邊個性別多啲人有紋身嘞。⁠
⁠
我副眼鏡跌咗落嚟！女性（40％）竟然以僅僅4％嘅差距，比男性（36％）多紋身，喺部分國家，個百分比差距仲唔細添，例如希臘咁，有差唔多一半（42％）嘅女性有紋身，而男性只有接近3成（29％）。⁠
⁠
講開希臘，公元前5-6世紀，出口去其他國家嘅奴隸，額頭會被紋上「納咗稅」，另一個較常見嘅紋身仲有「阻止我，我係逃犯」。罪犯嘅額頭／容易見到嘅地方會被紋上罪名，除咗防止逃獄外，亦都可以帶嚟阻嚇作用。唔少著名古希臘作家和哲學家，如柏拉圖同阿里斯托芬等都有於著作描述呢種懲罰點令到希臘公民既恐懼又鄙視。直至公元325年，法令規定盡量避免喺臉上紋上呢啲標記，被判為角鬥士或礦場工人都只會喺腿／手臂被紋上識別標記。⁠
⁠
至於英國，早喺2012年，英國有紋身嘅女性就已經多過男性差唔多20％，不過似乎仲未無辦法衝破社會對紋身陳舊嘅價值觀。朴茨茅斯大學同Casino.org聯合調查指，喺英國嘅女性比男性更容易因為有紋身而感到被批判，普遍認為野外露出自己嘅紋身，會對佢地嘅工作前景有影響。⁠
⁠
呢個聯合調查嘅主腦Dr Stephen Crabbe話：「儘管生活喺比以往任何時候都更加寬容的社會中，平權喺所有群體都比以前，但社會對有紋身嘅人仍然存在偏見。」⁠
⁠
Dalia Research嘅訪問仲有訪問受訪者有無後悔紋身，到底十個紋身係咪九個後悔？想知就要期待下喇！⁠