邊個國家最多人有紋身?
Dalia Research喺2018年訪問咗18個國家9,054個人,探究到底邊個國家最多人有最少1個紋身。結果顯示呢18個國家入面,有差唔多4成人有至少一個紋身。4個有紋身嘅人有1個人有1個紋身,4個入面就有3個人係有多過2個紋身。
以為美國最多人有紋身?(我自己以為係咁啫)你就錯晒囉!(我同自己講)原來最多人有紋身嘅國家係意大利(48%),瑞典(47%)之後先係美國(46%),不過有紋身嘅美國人同瑞典人就通常比意大利人身上嘅紋身多,一半有紋身嘅美國人同瑞典人有多過4個紋身。
Dalia Research嘅訪問仲有研究埋紋身與年齡同性別嘅關係,同埋受訪者有無後悔紋身,到底十個紋身係咪九個後悔?想知就要期待下喇!